Nitaiinua Tandahimba kwa korosho’

zao la korosho

Kwa ufupi

Katani alitoa ahadi hiyo jana wakati wa ufunguzi wa kampeni za ubunge wa jimbo katika eneo la Mnyoma, Kata ya Mdimba.

Tandahimba. Mgombea wa ubunge Jimbo la Tandahimba kwa tiketi ya CUF, Katani Katani amesema akichaguliwa atahakikisha bei ya zao la korosho inaboreshwa ili kilimo chao kiwe na tija.

Katani alitoa ahadi hiyo jana wakati wa ufunguzi wa kampeni za ubunge wa jimbo katika eneo la Mnyoma, Kata ya Mdimba.

Alisema wananchi wa wilaya hiyo wamekua wakiongoza kwa kilimo cha korosho, lakini ni maskini huku baadhi ya watu wakinufaika kupitia wakulima. Katani alisema chanzo cha kudorora kwa kilimo hicho ni wakulima kukopwa, uhaba wa pembejeo na kupangiwa bei

Kutokana na hali hiyo aliwaomba wananchi kumpa ridhaa ya kuwaongoza na kusema kuwa anatambua matatizo ya wakulima, hivyo atasimamia kero hizo.

“Wananchi wa Tandahimba kipaumbele changu cha kwanza ni kuhakikisha mnapata bei bora ya korosho kwani ndiyo zao kubwa mnalolitegemea na changamoto mnazokumbana nazo nazijua zinatatulika,” alisema Katani

Created by By Haika Kimaro Gazeti la mwananchi