DC akerwa na matapeli wa kadi za kura

MKUU wa wilaya ya Bagamoyo mkoani Pwani, Majid Mwanga amewataka wananchi kutoa taarifa kwenye vyombo vya usalama juu ya watu wanaochukua vitambulisho vya kupigia kura kwani ni matapeli.
Alisema hayo alipokuwa akielezea hali ya ulinzi na usalama kwa wananchi wa kata ya Kibindu, ambayo hivi karibuni ilivamiwa na watu waliosababisha vurugu na kusababisha madhara makubwa ikiwemo kifo.
Mwanga alisema kuwa licha ya eneo hilo kuwa na utulivu huku kampeni nazo zikiendelea kwa utulivu, kumeibuka baadhi ya watu wanaochukua kadi za wapigakura, jambo ambalo ni kosa kisheria.
“Mnapaswa kutoa taarifa kwenye vyombo vinavyohusika kwani ni kosa kisheria mtu kuchukua kadi ya mtu ya kupigia kura, msikubali kuwapa na mnapaswa kutoa taarifa sehemu husika ili hatua za kisheria ziweze kuchukuliwa dhidi yao,” alisema Mwanga.
Alisema yeye akiwa ni Mwenyekiti wa ulinzi na usalama wa wilaya, hadi sasa hakuna tatizo lililojitokeza tangu kuanza kampeni za uchaguzi.
Created by Gazeti la Habari leo