Patcho Mwamba Kujaribu Kipindi

Msanii wa maigizo, muimbaji, Mtunzi, Mpanga Muziki na Mchekeshaji Patcho Mwamba ameendelea kuongeza fani ambazo amekuwa akizimudu vyema kwa upande wa sanaa, huku akiwa katika maandalizi ya kutoa albam mpya ya bendi ya FM Academia.
Star huyo amejipanga kwa ajili ya kutengeneza kipindi kitakachosimama kwa jina la Bana Congo ambacho atawafahamisha mashabiki zaidi juu yake mara baada ya uchaguzi.
Patcho ameiambia eNewz kuwa kwa sasa hana filamu yoyote kubwa ambayo anatayarisha kama yeye, isipokuwa amekuwa akishiriki katika filamu za watu hapa na pale, kuonesha kuwa hajaweka uigizaji pembeni, akiendelea kujijengea sifa kubwa ya kuwa kati ya wasanii wachache wenye uwezo wa kufanya mambo mbalimbali kwa kiwango cha juu kwa wakati mmoja.
EATV.TV

Chanzo GPL.