Makusanya ya kodi TRA yafikia trilioni 1.4/

MAMLAKA ya Mapato (TRA) imeshakusanya Sh bilioni 11.9 kutoka kwa wafanyabiashara waliokuwa wamekwepa kulipa kodi. Kiasi hicho ni sehemu ya Sh bilioni 80 zinazotakiwa kukusanywa kutoka kwa wafanyabiashara hao wanaodaiwa waliondosha kontena katika bandari za nchi kavu kinyume cha taratibu za forodha.
Hata hivyo, kampuni 19 za wafanyabiashara hao waliopewa siku saba na Rais John Magufuli wawe wamelipa kodi baada ya kubainika kuhusika kukwepa kodi katika sakata la utoroshaji wa kontena 329 kutoka katika baadhi ya bandari kavu, hawajalipa kodi hiyo wakidaiwa kugoma kulipa adhabu.
Hayo yalielezwa jana jijini Dar es Salaam Kaimu Kamishna Mkuu wa TRA, Alphayo Kidata katika mkutano na waandishi wa habari ambako pia alisema mamlaka imevunja rekodi ya ukusanyaji kodi baada ya kukusanya Sh trilioni 1.4 Desemba mwaka jana kutoka Sh trilioni 1.3 za Novemba 2015.
Waliogomea adhabu “Hizi kampuni zingine 19 sio kwamba wamegoma kulipa kodi, ila wameomba wafanye reconciliation (mlinganisho) ya miamala na TRA kuhusu kiasi ambacho wanatakiwa kulipa. Wanachogomea kulipa ni zile adhabu ambazo wanatakiwa kuzilipa kwa kukwepa kodi,” alisema Kidata.
Kidata alisema Sh bilioni 80 zinatakiwa kulipwa na wafanyabiashara hao ambao waliondosha kontena katika bandari za nchi kavu bila kulipa ushuru. Siku ya mwisho ambayo iliwekwa na Rais Magufuli ilikuwa Desemba 12.
Baada ya kubainika kuwepo kwa upotevu huo, TRA iliwaandikia hati ya malipo inayowataka wafanyabiashara hao kulipa kodi stahiki pamoja na adhabu. Baadhi ya wafanyabiashara wanadai kuwa walishalipa kodi hiyo kupitia kwa mawakala ambao baadhi yao wametoroka hivyo kuwataka walipe adhabu ni kuwaonea.
Wavuka rekodi Katika hatua nyingine, TRA imevunja rekodi ya ukusanyaji wa kodi baada ya kukusanya Sh trilioni 1.4 Desemba mwaka jana kutoka Sh triKidata alisema katika kipindi cha Julai hadi Desemba, mamlaka yake imekusanya Sh trilioni 6.4 ikilinganishwa na lengo ambalo lilikuwa ni kukusanya Sh trilioni 6.6 ambazo ni sawa na asilimia 95.5 ya makusanyo yote.
Kidata alisema kuongezeka kwa makusanyo ya kodi katika kipindi hiki kunatokana na mikakati madhubuti ambayo TRA imeiweka tangu Serikali ya awamu ya tano iingie madarakani .
Pikipiki Akizungumzia usajili wa pikipiki ambao uliisha Desemba 31, 2015, Kidata alisema TRA imeongeza muda wa mwezi mmoja kutoa fursa kwa ambao hawajakamilisha usajili huo wafanye hivyo. Alisema TRA imechukua uamuzi huo kwa kuwa usajili huo ulikumbwa na changamoto kadhaa ambazo zilisababisha usajili kutokamilika kwa asilimia 100.

Created by Gazeti la HabariLeo.