Mshukiwa wa ugaidi auawa Malindi

Wanamgambo wa al shabab wamekuwa wakiendesha mashambulizi nchini Kenya

Mshukiwa wa ugaidi ambaye amekuwa akitafutwa na polisi nchini Kenya kwa kushukiwa kuhusika kwenye shambulizi lililoendeshwa katika chuo kikuu cha Garisa mwezi Aprili mwaka 2015, ameuawa kwa kupigwa risasi na kikosi cha polisi cha kupambana na ugaidi nchini Kenya.

Kulingana na Gazeti la Daily Nation nchini Kenya ni kuwa, Suleiman Mohammed Awadh, aliuawa pamoja na washukiwa wengine watatu wa ugaidi wakati polisi walifanya uvamizi mapema leo asubuhi kwenye nyumba moja ya mji wa Malindi ulio pwani ya Kenya.
Gazeti hilo linasema kuwa polisi waligundua silaha, ramani ya malindi inayoonyesha maeneo ambayo walilenga kushambulia na barua iliyokuwa imeandikiwa wafadhili wa Al Shabab wakiomba pesa, nguo na chakula.

Chanzo BBC Swahili