Suu Kyi kuteuliwa waziri Myanmar

Jina la Suu Kyi limewasilishwa kwa bunge

Kiongozi mtetezi wa demokrasia nchini Myanmar Aung San Suu Kyi ambaye chama chake kilishinda uchaguzi mkuu Novemba mwaka jana atateuliwa kuwa waziri.

Jina la Suu Kyi lilikuwa kwenye orodha ya watu watakaoteuliwa mawaziri ambayo iliwasilishwa na chama chake National League for Democracy na kusomwa na spika wa bunge.
Haijabainika atatuliwa kuhudumu katika wizara gani.

• Htin Kyaw ndio rais mpya wa Myanmar

Viongozi wa zamani wa kijeshi nchini Myanmar, ambayo zamani ilifahamika kama Burma, waliingiza kifungu kwenye katiba ya nchi hiyo ambacho kinamzuia kuwa rais kwa sababu wanawe wawili wana pasipoti za Uingereza.

Htin Kyaw akiwa na Suu Kyi mwaka 2010 Mshirika wake mkuu Htin Kyaw alichaguliwa kuwa kiongozi wan chi hiyo wiki iliyopita.
Kabla ya uchaguzi, Suu Kyi alikuwa amedokeza kwamba atashiriki katika uongozi wa nchi hiyo na kusema atakuwa "juu ya rais”.