Breaking News: Mtokeo ya Kidato cha Nne 2016 Yametoka......Bofya Hapa Kuyatazama

Baraza la Mitihani la Taifa (NECTA) limetangaza matokeo ya kidato cha nne mwaka 2016 ambapo umefaulu wa jumla umeongezeka kwa 2.56% kutoka 67.53% mwaka 2015 hadi 70.09% mwaka 2016.

Katibu Mtendaji wa barza hilo, Dkt Charles Msonde amesema kati ya wanafunzi 408,372 waliofanya mtihani, jumla ya wanafunzi 277,283 wamefaulu, wakiwemo wasichana 135,859 sawa na asilimia 67.06 na wavulana 141,424 sawa na asilimia 73.26.

Kwa upande wa watahiniwa wa shule, Dkt Msonde amesema kuwa 244,762 sawa na asilimia 70.35 ya waliofanya matihani wamefaulu ikilinganishwa na wanafunzi 240,996 sawa na asilimia 67.91 waliofaulu mwaka 2015.

Kwa upande wa ubora wa ufaulu, amesema watahiniwa wa shule wenye ufaulu mzuri wa Daraja la kwanza hadi la tatu ni 96,018 sawa na asilimia 27.60.

Kwa upande wa masomo, amesema ufaulu katika masomo ya History, Geography, Kiswahili, English Language, Basic Mathematics, Physics, Biology, Commerce na Book keeping umepanda kwa kati ya asilimia 0.12 na 8.08 ikilinganishwa na mwaka 2015.

Somo lililoongoza kwa ufaulu ni Kiswahili ambapo asilimia 77.75 wamefaulu na somo la mwisho ni Basic Maths ambalo asilimia 18.12 ya watahiniwa wa shule wamefaulu.

Kati ya wanafunzi 10 bora kitaifa, wanafunzi 5 ni wasichana na 5 ni wavulana wakiongozwa na Alfred Shauri kutoka Feza Boys ya Dar es Salaam

Kati ya shule 10 zilizofanya vibaya kitaifa, shule 6 zinatoka katika mkoa wa Dar es Salaam wakati shule iliyoongoza ikiwa ni Feza Boys ya Dar es Salaam. Pia katika shule kumi bora kitaifa, hakuna shule ya serikali

Mkoa wa Njombe umeongoza katika mikoa 10 iliyofanya vizuri zaidi kitaifa ukifuatiwa na Iringa, Kagera, Kigoma na Kilimanjaro huku halmashauri za Bukoba Mjini, Njombe, Kakonko, Kahama na Wang'ing'ombe pia zikiibuka vinara

********

==>>Bofya  <<HAPA>  Kuyaona Matokeo ya Kidato cha Nne


==>Bofya <<HAPA> Kuyaona matokeo ya mtihani wa maarifa (QT) 2016 

==

Credit; Mpekuzi Blog 

Shule 10 Bora na 10 za Mwisho katika Matokeo Kidato cha Nne 2016

Leo January 31 2017 Baraza la mitihani Tanzania NECTA limetangaza matokeo ya kidato cha nne ‘CSEE 2016’.

Hapo chini kuna orodha ya shule 10  bora kitaifa na shule 10 zilizoshika mkia

==

Credit; Mpekuzi Blog

Mwili wa Mwanafunzi Waopolewa Ziwani

Mwili wa mwanafunzi wa kidato cha tatu katika Sekondari ya Chato mkoani Geita, Shilinde Nicolaus (18) umeopolewa Ziwa Victoria baada ya kuzama Januari 28 saa tisa alasiri alipokuwa akivua na wenzake.

Kamanda wa Polisi mkoani Geita, Mponjoli Mwabulambo alisema  mwili huo ulipatikana juzi baada ya jitihada za wavuvi wa eneo hilo kwa kushirikiana na wananchi.

Mwenyekiti wa Serikali ya Kijiji cha Muungano lilipotokea tukio hilo, Kapembe Charles alisema kijana huyo na wenzake ambao walinusurika, walipata ajali hiyo  baada ya mtumbwi wao kupigwa na dhoruba kisha kuzama.

Charles alisema katika tukio hilo wenzake wawili, Daud Deus na Mgonyolo Hamis wote wakazi wa Kijiji cha Kitela walinusurika  baada ya kuogelea hadi nchi kavu.

Mmoja wa wanafunzi hao, Daud Deus alisema wakati wakiendelea  kuvua, kulikuwa na upepo mkali uliosababisha mtumbwi wao kuzama.

“Mimi na Hamis tulifanikiwa kuogelea kwenye majani yaliyoota ndani ya maji, kisha tukaokolewa na wavuvi,” alisema Deus.

Credit; Udaku

Hii ni zaidi ya Laana,Diamond na Ali Kiba Wakimbia Mwaliko wa Kuhudhuria Maulidi ya Kuzaliwa Mtume Muhammad(S.A.W),Shehe Mkuu Dar Atoa Kauli Hii..!!!

Ama kweli imeshangaza wengi! Kitendo cha nyota wa muziki wa Bongo Fleva, Nasibu Abdul ‘Diamond’ na Ally Saleh Kiba  kushindwa kutokeza kwenye sherehe za kumbukumbu ya kuzaliwa Mtume Muhammad (S.A.W), yaani Maulidi iliyofanyika wilayani Temeke jijini hapa ambapo walialikwa na Shehe Mkuu wa Mkoa wa Dar es Salaam, Alhad Mussa Salum na kumuahidi kuwa wangefika.

Katika Maulidi hiyo ambayo ilifanyika Mtaa wa Liganga wilayani hapo na mwenyeji wa shughuli hiyo kuwa Shehe Alhad, ilihudhuriwa na waheshimiwa mbalimbali wakiwemo Makamu wa Pili wa Rais wa Zanzibar, Balozi Seif Idd, Makamu wa Rais Mstaafu wa Tanzania, Dk. Mohammed Gharib Bilal, Mufti wa Tanzania, Shehe Abubakar Zubeir na wengineo.

KAULI YA SHEHE MKUU JUKWANI

Wakati Maulidi hiyo ikiendelea, Shehe Alhad aliutangazia umati uliojaa kuwa, katika hafla hiyo aliwaalika wasanii mbalimbali na kuwataka watu kuwachukulia wasanii hao kama wenzao. Akiendelea kuweka mambo sawa, alisema mpaka muda huo msanii ambaye alishafika ni Ahmed Olotu ‘Mzee Chilo’ na pia akaongeza kuwa, msanii wa nyimbo za kughani, Mrisho Mpoto ‘Mjomba’ alikuwa njiani kufika eneo la tukio ingawa mpaka wageni waalikwa wanaondoka, Mpoto alikuwa hajafika.

Baadhi ya watu walifurika kwenye eneo hilo na kujua kuwa, Diamond na Kiba wangekuwepo, walishangaa kuona muda unakwenda bila wapendwa hao kuonekana licha ya kusubiriwa kwa hamu kubwa.

KAMA WANGEFIKA

Baadhi yao walisema kuwa, kama Diamond na Kiba wangejitokeza kwenye Maulidi hiyo, wanaamini Shehe Alhad angewaunganisha na kuwashikanisha mikono ya wengine wakiwa hawezi hata kuongea.

WAGENI WAALIKWA WAONDOKA

Baada ya Shehe Alhad kuwasindikiza wageni waalikwa, Wikienda lilimuweka chemba na kuanza kumuhoji kuhusiana na kutofika kwa Diamond na Kiba ambao ilisemekana aliwaalika. “Aaah! Ni kweli Diamond na Kiba niliwaalika na wote waliniahidi kufika lakini nashangaa mpaka muda huu hawajatokea, sijui ni kwa nini lakini hilo siwezi kulizungumzia zaidi isipokuwa hata mimi nashangaa,” alisema Alhad na kuomba aachwe aendelee na majukumu yaliyombana, ikiwemo

kuagana na wageni wengine. Wikienda liliwapigia simu Diamond na Kiba ili kutaka kujua kilichowasibu mpaka kushindwa kutokea kwenye mwaliko huo.

DIAMOND: “Ni kweli nilialikwa, lakini nilipata dharura ya kifamilia, niko Afrika Kusini.”

Kiba simu yake haikuwa hewani.

 

Credit; Udaku

Huyu Ndiye Trump Bana.. Amtimua Kazi Mwanasheria Mkuu wa Serikali Baada ya Kupinga Mpango Wake wa Kuwazuia Waislamu Wasiingie Marekani..!!!

Rais wa Marekani Donald Trump amemfuta kazi kaimu mwanasheria mkuu Sally Yates saa chache tu baada ya kuwaagiza mawakili wa idara ya haki nchini humo kutotetea uamuzi wa kuwawekea vikwazo raia wanaotoka katika baadhi ya mataifa ya kiislamu.

Taarifa ya Ikulu ya Whitehouse imemshtumu kwa usaliti.

Sally Yates ambaye aliteuliwa na Obama alisema kuwa hafikirii kwamba marufuku hiyo ya muda kwa raia wa mataifa saba ya Kiislamu ni halali.

Wadhfa wake umechukuliwa na kiongozi wa mashtaka katika mahakama ya kijimbo huko Virginia Dana Boente.

Agizo hilo la rais lililotiwa saini Ijumaa iliopita limesababisha maandamano nchini Marekani na ughaibuni.

Awali kundi moja la wanadiplomasia liliandika barua likikosoa agizo hilo wakisema litazidi kuhatarisha usalama wa taifa hilo.

 

Credit; Udaku 

Mkutano Wa 6 Wa Bunge Kuanza Kesho.....Wabunge 4 Kula Kiapo, Maswali 125 Kuulizwa Na 16 Ya Papo Kwa Papo Kwa Waziri Mkuu

Mkuu wa Kitengo cha Habari, Elimu na Masiliano Ofisi ya Bunge, Owen Mwandumbya akizungumza na wanahabi mjini Dodoma leo akitoa taarifa ya yale yatakayojiri katika Mkutano wa sita wa Bunge la 11 unaotaraji kuanza kesho Januari 31 hadi Februari 10 mwaka huu mjini Dodoma.

***************

Mkutano wa Sita wa Bunge unatarajiwa kuanza siku ya Jumanne tarehe 31 Januari 2017 na kumalizika tarehe 10 Februari 2017 Mjini Dodoma. 

Mkutano huo utakuwa ni mahususi kwa ajili ya kupokea Taarifa za mwaka za Kamati za Kudumu za Bunge ambapo Kamati 14 za kisekta na mtambuka zitawasilisha taarifa zake Bungeni katika kipindi hiki. Shughuli nyingine zitakazofanyika katika Mkutano huu ni kama ifuatavyo:-
 

1.0         KIAPO CHA UAMINIFU

Kufuatia uteuzi wa wabunge watatu walioteuliwa na Mhe. Rais Dk. John Pombe Magufuli hivi karibuni na Uchaguzi Mdogo uliofanyika katika Jimbo la Dimani, Zanzibar Tarehe 22 Januari 2017, kutakuwa na Kiapo cha Uaminifu kwa Wabunge wapya wanne ambao ni:-

(i)         Mhe. Alhaji Abdallah Majula Bulembo

(ii)       Mhe. Prof. Palamagamba John Kabudi

(iii)      Mhe. Anne Kilango Malecela

(iv)    Mhe. Ali Juma Ali - (Jimbo la Dimani)
 

2.0         MASWALI

Katika Mkutano huu jumla ya maswali ya kawaida 125 yanatarajiwa kuulizwa na kujibiwa Bungeni. Aidha, kwa mujibu wa Kanuni ya 38 (1) ya Kanuni za Kudumu za Bunge wastani wa maswali 16 ya papo kwa papo kwa Mheshimiwa Waziri Mkuu yataulizwa na kujibiwa pia siku za Alhamisi. 
 

3.0       KAULI ZA MAWAZIRI

Aidha, katika Mkutano huu wa Bunge Kauli mbili za Mawaziri zitawasilishwa  kama ifuatavyo:-

(i)     Kauli ya Serikali Kuhusu Hali ya Chakula Nchini itakayotolewa Tarehe 31 Januari, 2017.

(ii)   Kauli ya Serikali kuhusu Deni la Taifa na Hali ya Uchumi Nchini itakayotolewa Tarehe 31 Januari, 2017.
 

4.0       MISWADA YA SHERIA

Katika Mkutano wa Tano wa Bunge uliomalizika mwezi Novemba, 2016 Miswada mitatu (3) ya Sheria ilisomwa  kwa mara ya Kwanza Bungeni na kupelekwa kwenye Kamati husika ili ifanyiwe kazi. 
 

Hivyo katika Mkutano huu wa Sita Miswada hiyo inatarajiwa kuwasilishwa Bungeni kwa mara ya Pili, kujadiliwa na kupitishwa na Bunge kwa mujibu wa Kanuni ya 91. Miswada hiyo ni:-

1. Muswada wa Sheria ya Sheria ya Madaktari wa Meno na Wataalam wa Afya Shirikishi wa mwaka, 2016 (The Medical, Dential and Allied Health Professionals Bill 2016).
2. Muswada wa Sheria ya Huduma ya Msaada wa Kisheria wa mwaka 2016 (The Legal Aid Bill, 2016).

1. Muswada wa Sheria ya Marekebisho ya Sheria mbalimbali (Na.4) wa mwaka 2016. {The Written Laws (Miscellaneous Amendments)}, Bill, 2016)

Imetolewa na:

Kitengo cha Habari, Elimu na Mawasiliano

Ofisi ya Bunge

DODOMA

30 Januari, 2017.

==

Credit; Mpekuzi Blog 

Rais wa Guinea achaguliwa kuwa Mwenyekiti Mpya wa Umoja wa Afrika (AU)

Rais wa Guinea, Alpha Conde amechaguliwa leo kuwa Mwenyekiti mpya wa Umoja wa Afrika (AU), uchaguzi uliofanyika katika vikao vya viongozi wa nchi wanachama vinavyoendelea katika Makao Makuu ya umoja huo mjini Addis Ababa nchini Ethiopia.

Rais Conde anapokea uongozi kwa Rais wa Chad Idris Deby ambaye alikuwa ndiye kiongozi wa umoja wa hadi.

Mwenyekiti wa Umoja wa Afrika ni kiongozi asiye na maamuzi (ceremonial head of the Union). Mwenyekiti huyu huchaguliwa  na Marais wa Nchi wanachama wa AU ambaye hushika wadhifa huo kwa mwaka mmoja tu. Uongozi huu huenda wa zamu katika Kanda tano za bara la Afrika (Kaskazini, Kusini, Mashariki, Magharibi, na Afrika ya Kati).

Nafasi hii ilianzishwa mwaka 2002 ambayo Rais Mstaafu wa Afrika Kusini, Thabo Mbeki ndiye alikuwa mwenyekiti wa kwanza.

Rais wa Chad,  Idriss Deby (kushoto) akikabidhi madaraka kwa Mwenyekiti mpya wa Umoja wa Afrika, Rais Alpha Conde wa Guinea (kulia).

==

Credit; Mpekuzi Blog 

Watanzania Tujifunze Haya Kutoka kwa Rais Magufuli

Kuna msemo ambao una tupa moyo sana sisi wanadamu kwa namna moja au nyingine ndivyo ninavyoweza kusema, Msemo huo ni ule usemao hakuna mkamilifu zaidi ya Mungu pekee katika dunia hii na umuhimu wa kitu huwezi kukiona mpaka pale kitu hicho kitakapoondoka machoni pako.

Wasomi hutumia kauli ‘Time will tell’ wakiimaanisha muda utaongea. Kwa kipindi kirefu sana Watanzania tumekuwa tukiipinga rushwa kwa kiasi kikubwa ambayo ilikuwa kansa ya maendeleo kwa nchi yetu. Lakini Mungu alisikia kilio chetu na kusema kilio cha rushwa katika taifa la Tanzania kimefika mwisho kwa kutupatia rais wa awamu ya tano Dkt John Pombe Magufuli. Simaanishi kwamba marais wa nyuma waliopita hawakuipinga rushwa hapana nawaona waliifanya kwa nafasi yao na muda walioupewa kulitumikia taifa hili.

Rais Magufuli tangu aingie madarakani amefanya vitu vingi sana kwa muda mchache. Si kweli kwamba yote anayoyafanya wengine wetu wanaweza wakayachukia lah hasha! kwasababu katika maisha pia huwezi kupendwa na wote na pia sio kila kitu unachokifanya watu wote watakipenda.

Ziara za Rais Magufuli

Rais huyu akiwa katika ziara sehemu mbalimbali za Tanzania au nchi jirani watu wengi wamekuwa wakitaka kujua kazungumzia nini katika hotuba yake na watu hutulia katika vituo mbalimbali vya televisheni kujua nini kimesemwa katika hotuba hio. N pia baada ya hotuba hiyo kuisha katika maeneo mbalimbali nchini Tanzania watu wanakuwa wakirudia kile alichokisema na kumpongeza kwa alichokisema huku wengine wakionyesha kufurahishwa na hotuba za rais huyu.

Utumbuaji majipu

Hili neno la kutumbua majipu hupenda kulitumia Rais huyu popote atakapokuwa hata akiwa katika ziara fulani au akifanya ziara ya kushtukiza sehemu ambapo akifika katika eneo hilo akiona kuna mapungufu au kuna matumizi mabaya ya fedha yeye humtumbua mtu huyo kwa kutaka asimamishwe kazi mara moja bila kutaka kusamehewa na hutumia kauli ‘Mtu akitumbuliwa hapa Dar es Salaam asije akafikiri akienda mkoa mwingine atapata kazi katika serikali hii. Hilo halipo ukifutwa kazi Dar es salaam umefutwa moja kwa moja.’ Kauli hii nadhani inawapa umakini watendaji hao sambamba na kufanya kazi kwa ufanisi kuogopa kutumbuliwa.

Baadhi ya wapinzani kusifia jitihada zake katika kupambana na rushwa

Baadhi ya viongozi wa vyama pinzani nchini wamekuwa wakifurahishwa sana na hali ya rais huyu kupinga rushwa nchini na niliwahi kumnukuu akisema, Rushwa ni kansa kwa maendeleo ya nchi.Hapa ukitaka kujua rais huyu anaichukia rushwa ukichukua ugonjwa wa Kansa jinsi ulivyo na unavyowatesa watu ndivyo utakavyoelewa ni jinsi gani amekuwa akichukizwa na baadhi ya watu ambao mpaka leo wanapenda rushwa.

Safari ya serikali kuhamia Dodoma
Ni miaka mingi tulikuwa tukisikia kuwa makao makuu ya Tanzania yapo Dodoma, lakini viongozi mbalimbali wa nchi hii wanaishi Dar es Salaam, jambo ambalo miongoni mwa watu walikuwa wakijiuliza. Ni jambo gumu sana kumhamisha mtu eneo alilokuwa akiishi siku zote au miaka yote kumpeleka sehemu ambayo huenda alikuwa akienda katika matembezi yake ya kawaida. Lakini Rais Magufuli ameweza kuwatoa baadhi ya viongozi akiwemo Waziri Mkuu na kuwahamishia Dodoma ikiwa ni sehemu ya kutaka viongozi wahamie katika makao makuu hayo. Yeye na makamu wake Bi Samia Suluhu nao wana mpango baadaye kuhamia huko.

Rais Magufuli na Kutetea wanyonge

Rais Magufuli amekuwa akiwatetea wanyonge kwa kiasi kikubwa huku akichukizwa na baadhi ya vitendo vya baadhi ya viongozi kutumia madaraka yao vibaya na kutaka viongozi wengine wajiondoe madarakani kama watashindwa kuwatetea wanyongee katika taifa hili. Katika awamu hii wanyonge wamekuwa ni watu wenye furaha ikiwemo kuachiwa huru wamachinga kufanya biashara zao. Akienda sehemu mbalimbali, amekuwa akiwatia moyo wanyonge huku akisema kuwa hata yeye ni mtoto wa mkulima hivyo matatizo ya wakulima anayatambua vilivyo. Watu wenye ulemavu wa miguu na wenye changamoto mbalimbali amekuwa akitoa sehemu ya mshahara wake kuwasaidia chochote kwaajili ya kuendesha maisha yao ya kila siku.

Serikali ya awamu ya tano

Hata katika vitabu vya dini kuna neno husema itii mamlaka iliyo juu yako. Hili lipo katika serikali hii wengi wao wamekuwa wakimtii Rais Magufuli anapotoa maagizo na baadhi yao kufuata yale anayoyataka. Kufanya ziara za kushtukiza katika maofisi mbalimbali ni kitu ambacho viongozi wa awamu hii wanakifanya. Wamekuwa si wa kukaa ofisini, wamekuwa wakuzunguka kila mahali kwaajili ya ziara ili kujua hali za wamanchi wao na changamoto wanazokutana nazo kwa namna moja au nyingine,sambamba na kuwatatulia changamoto hizo na kwa viongozi wanaofanya vibaya wamekuwa wakiwasimamisha kazi bila kuogopa.

Si kwamba serikali zilizopita zilikuwa hazina mazuri, hapana na wala si kwamba serikali hii haina mapungufu, hapana bali kwa namna moja au nyingine wanafanya vizuri katika kuliongoza taifa hili. Kikubwa ni kuwaombea ili Mungu awajaze hekima na maarifa katika kuliongoza taifa hili huku akiwapa pumzi na nguvu za kutosha kwasababu kuongoza nchi ni kitu kikubwa ambacho waweza kuona ni kitu cha kawaida kwa hali ya ubinadamu. Kikubwa tujitupe tufanye kazi kwa bidii zote ili tuweze kupata vipato vyetu kihalali.

BY: Emmy Mwaipopo

Credit; Udaku Special

Q Chief Amwagia Sifa Mpenzi Wake ‘ni Wanawake Wachache Wenye Moyo wa Chuma Kama Wako’

Msanii wa muziki Q Chief ameshindwa kuzuia hisia zake mtandaoni na kuamua kumwagia misifa mpenzi wake.

Muimbaji huyo ambaye anafanya vizuri na wimbo Sungura, amedai mwanamke hiyo ni mwanamke wa pekee kutokana na uvumilivu wake.

“Soon tunatimiza miaka miwili katika uhusiano wetu umekuwa mvumilivu mwenye hekima ni wanawake wachache sana dunia hii wenye moyo wa chuma ulionao tumepita rough roads tumevuka vikwazo vingi tumepitia kila aina ya changamoto but most important tumepigana vita zote na kushinda sisi ni wababe wa vita love you honey, soon utatoka juani na utajikuta kivulini naamini maana Mungu wetu yu mwema nakizuri zaidi anatupenda sana,” aliandika Q Chief Instagram.

Muimbaji huyo ambaye ameweza kupambana na kuachana na matumizi ya Madawa ya kelevya, mapema mwaka 2016 alionekana akivalisha pete msichana huyo.

Credit; Udaku Special

Askofu Mokiwa Aendelea Kung’ang’aniwa

Mvutano wa uongozi katika Kanisa la Anglikana, umechukua sura mpya baada ya Askofu Mkuu wa kanisa hilo, Dk Jacob Chimeledya kutishia kuweka hadharani nyaraka zinazoonyesha ubadhirifu anaodaiwa kufanya Askofu wa Kanisa hilo Jimbo la Dar es Salaam, Dk Valentino Mokiwa, endapo ataendelea kung’ang’ania madarakani.

Dk Chimeledya alibainisha kuwa iwapo Dk Mokiwa ataendelea kung’ang’ania madarakani, ataweka hadharani mambo ambayo alidai asingependa waumini wake wala Serikali kuyajua kwa ajili ya kulinda heshima ya kanisa hilo.

Wakati Askofu Chimeledya akiyasema hayo, Askofu Mokiwa amesema atazungumza na wanahabari leo kutoa ufafanuzi wa tuhuma hizo dhidi yake.

Msemaji wa Askofu Mokiwa, Yohana Sanga alisema atazungumza na kujibu maswali yote ambayo wengi wametaka kuyajua kutoka kwake baada ya kuamuriwa kujiuzulu.

Awali, Askofu Chimeledya alimuamuru Askofu Mokiwa kujiuzulu kwa kile alichodai amevunja misingi ya kanisa.

Jana, Askofu Chimeledya aliwataka waumini wa kanisa hilo Dayosisi ya Dar es Salaam kuacha kulalamika kwani askofu wao hakuonewa.

Credit; Udaku Special

Hatua 10 za Kumchagua Mchumba

Wengi wamejikuta wakiitwa wahuni kutokana na kuwa na uhusiano wa kimapenzi na makundi ya wanaume au wanawake. Hata hivyo wachunguzi wa masuala ya mapenzi wanasema idadi kubwa ya wapenzi si kigezo sahihi cha kupima tabia ya mtu na kumhusisha na uhuni.

Watalaam hao wanataja safari ya kupata chaguo halisi la mwanaume/mwanamke wa maisha ndiyo inayowaponza wengi kiasi cha kujikuta wameingia katika kashfa ya kuwa na uhusiano na dazeni ya wapenzi.

Wanasema msichana/mvulana anayeingia katika uwanja wa mapenzi kwa kuwa na hisia za kufanya ngono, hukosa umakini wa nani anafaa kuwa mpenzi wake kutokana na kukosa elimu ya uhusiano kutoka kwa wazazi wake.

Kwa mantiki hiyo, bila upembuzi wa kina, mtu asiye na elimu ya jinsi ya kumpata mpenzi wa kweli hujikuta ameangukia kwa mwanaume/mwanamke asiyemfaa, ambapo baadaye huamua kuachana na huyo na kwenda kwa mwingine kujaribu bahati tena ya kupata penzi la kweli.

Zinatajwa zawadi, hitaji la kusaidiwa kimaisha, mvuto wa kimahaba na mazoea kuwa ni vichocheo vinavyowaangusha wengi kwenye mapenzi na wasiowafaa.

Ukweli ni kwamba mtu aliyenaswa kwa ‘ujinga’, huwa hakatwi kiu ya penzi na mwanaume/mwanamke asiye chaguo sahihi la maisha yake. Hivyo hufikia maamuzi ya kujiingiza katika uhusiano mpya mara 2,3,4,5 na kujikuta wakiambulia wanaume/wanawake wale wale wasio sahihi kwake.

Mwanamnke mmoja aliyejitambulisha kwa jina la Suzzy aliwahi kuniomba ushauri, akasema amechoka kuchezewa, maana kila mwanaume anayempata anakuwa si chaguo lake. Lakini kibaya zaidi kuachia ngazi au kutemwa huku akiwa tayari ameshafanya mapenzi na wanaume hao.

Nia ya swali lake ilikuwa ni kuniomba njia za kumtambua mwanaume mkweli bila kufanya naye mapenzi? Aliuliza hivyo huku akiwa na hoja kuwa wanaume wengi hawako tayari kuwa na uhusiano na msichana bila kufanya naye mapenzi na wakati huo huo huficha tabia zao chafu wakilenga kumnasa wamtakaye.

Binafsi nafahamu kuwa kuna wanawake/wanawake wengi ambao hujiingiza katika mapenzi kwa kutekwa na hadaa za mwili na kujikuta wanacheza mchezo wa kitoto wa pata potea.

Ni madhumuni ya somo hili kufundisha vigezo vya kumpata mwanaume/mwanamke halisi wa maisha, bila kufanya naye mapenzi. Njia hii ina faida kwa pande zote mbili yaani kwa mwanamke na mwanaume kwani kuacha au kuachwa bila kufanya mapenzi ni bora kuliko kuwa muonjaji, tabia ambayo huathiri kisaikolojia na ni hatari kwa afya.

Ifuatavyo ni njia ya kisaikolojia ambayo mwanamke anaweza kutumia kumpata mwanaume mwenye kumfaa bila kufanya naye mapenzi tena ni jibu sahihi la kuondokana na mchezo wa kubahatisha kwa wanaume wanaosaka wapenzi wa kweli na si taksi bubu ambazo mchana huweka namba za njano usiku nyeusi.

KWANZA- Ni ya mwanamke/mwanaume mwenyewe kujifahamu na kufahamu vigezo vya mpenzi anayemhitaji katika maisha yake. Ifahamike kuwa kila mwanaume ana wake na kila mwanamke anaye wake wa maisha pia. Hivyo asiyekufaa wewe anawafaa wengine, kinachotakiwa ni wewe kujitambua kwanza ili umtambue umtakaye.

Wanawake/wanaume wengi hawafahamu wanahitaji wapenzi wa aina gani, hivyo wanajikuta kama watu wanaoingia sokoni bila kujua wanataka kununua nini? Ndiyo maana wengi wameangukia kwa matapeli wa mapenzi, wakachezewe na kuumizwa moyo bure.

PILI- Ni kuketi chini na kuorodhesha vigezo stahili vya mwanaume/mwanamke unayemtaka. Baada ya hapo orodhesha tena kasoro za mwanaume/mwanamke unazoweza kuzivumilia na zile ambazo huwezi kuzivumilia kabisa. Hii inatokana na ukweli kwamba mwanadamu hajakamilika, ana upungufu wake.

TATU- Anza kumsaka kwa kutumia milango ya fahamu. Cha kufanya hapa ni kuruhusu macho yawaone wanaume/wanawake na kuwatathmini kwa maumbile yao ya nje na kisha kupata majibu kutoka moyoni juu ya kuvutia kwao ambako hutambulika kwa moyo kurithika na mwili kusisimka.

NNE - Kuanzisha safari ya kuchunguza tabia za nje na za ndani kivitendo. Hapa suala la ukaribu baina ya mwanaume na mwanamke linahitajika. Msingi unaotajwa hapa ni kujenga mazoea ya kawaida yasiyokuwa na masuala ya kimapenzi na ngono. Kutambuana, dini, viwango vya elimu, kabila na makundi ya marafiki ni mambo ya kuzingatia.

Katika uchunguzi huu mwanamke/mwanaume anayetafuta mpenzi hana budi kupitia na kumlinganisha huyo aliyempata na vigezo alivyojiwekea. Zoezi hili liendane na kuweka alama ya pata kila anapobaini kuwa mwanaume/mwanamke anayemchunguza amepata moja ya vigezo vyake. Lakini pia aweke alama ya kosa kwa kila kasoro anayoivumilia na ile asiyoivumilia.

TANO - Ajipe muda wa kutosha kati ya miezi sita na mwaka kumchunguza huyo mwanaume, kisha aketi chini na aanze kujumlisha alama za vigezo alivyovijiwekea na jinsi mwanaume huyo alivyopata au kukosa.

Ikibainika mwanaume aliyechaguliwa amepata zaidi ya nusu ya alama ya vigezo vilivyowekwa, basi ujue kuwa anafaa. Kuhusu alama chache alizikosa anaweza kusaidia kuzikamilisha polepole wakati wa maisha ya ndoa.

Lakini angalizo kubwa kabisa ni kwamba mwanaume/mwanamke akionekana kuanguka katika kasoro zisizoweza kuvumilia kwa zaidi ya alama tatu. Yaani kwa mfano ni mlevi, mwizi, muongo, mbishi na katika hizo kashindwa 3, huyu hafai, ni vema akawekwa kando kwani huwezi kubeba kero 3 kwa pamoja katika maisha.

SITA - Kusajili mapenzi yenye malengo yanayotekelezeka. Lazima baada ya kuchunguzana kwa kina wapenzi watengeneze muongozo wa mapenzi yao. Wasiwe kama wanyama, lazima mipango ya wapi wametoka walipo na wanapokwenda.

Hata hivyo watalaam wanasema lazima wapenzi wapime umakini wao kwa vitendo. Kama wamekubaliana kuoana, suala la mume kwenda kujitambulisha kwa wakwe na hatua ya kuiendea ndoa ionekane. Usiri usiwepo tena. Kila mmoja amuone mwenzake kama sehemu ya maisha yake na mara zote wasaidiane kwa ukaribu.

SABA - Ni vema ndugu wakashirikishwa ili kuwapa nafasi na wao ya kuamua kama mapenzi hayo ni budi yakaendelea au yakasitishwa. Ni ukweli ulio wazi kwamba licha ya wengi kupuuza maamuzi ya ndugu kwa madai ya kuwa hawana nafasi kwa wapenda nao, lakini uchunguzi unaonesha kuwa wapenzi wengi huacha kutokana na sumu za ndugu hasa pale wanapokuwa wameonesha kutounga mkono uhusiano wa wanaotaka kuoana

NANE - Hatua hii ni ya kuweza kuzungumzia ufanyaji mapenzi, hapa nina maana kama wapenzi wamejizuia kwa muda mrefu na wanahisi kuchoka wanaweza kujadiliana kuhusu hilo na kuamua ufanyaji huo wa mapenzi una lengo gani, kama ni kuburudisha miili basi suala la afya na uzazi salama litazamwe.

TISA - Kutimizwa kwa ahadi ya kuoana ni hatua ya tisa ambayo nayo si busara ikachukua muda mwingi kutekelezeka, kwani ucheleweshaji mwingi wa ndoa nao huvunja moyo na mara nyingine umewafanya wengi kutoaminiana.

KUMI - Kuamua kuwa mwili mmoja kwa kuvumilia na kuwa tayari kukabiliana na changamoto zote za maisha ukiwemo mkwamo na dhiki ambazo huchangia sana ndoa nyingi kuvunjika. Hapa pia ni wajibu wa wanandoa kuchukuliana udhaifu na kusaidia, kuwa tayari kujifunza na kujali zaidi upendo kuliko hisia za mwili ambazo wakati mwingine hudanganya na hivyo kumfanya mwanandoa asivutiwe na mwenzake.

Mwisho ni kwamba kanuni hizi huwafaa watu wazima mapenzi ya kitoto hayawezi kujenga misingi hii imara mara nyingi ni kudanganyana, kuharibiana maisha, kupeana mimba na maradhi.

Credit;  Udaku Special

Pata Kifaa Chenye Uwezo Asilimia 99% wa Kuongeza Ukubwa wa Uume....

Handsome up ni kifaa chenye uwezo wa 99% kuongeza uume kwa uhakika na bila madhara. Inapatikana kwa @200,000/=tu. PIA kuna Gely ya kupaka @ 120,000/= na Vidonge maalum kwa ajili ya kuongeza nguvu na hamu ya tendo la ndoa kwa wanaume @120,000/=.
Na spray ya kuchelewesha kufika kileleni kwa mwanaume @120,000/=
NB.Matokeo ni uhakika na garantii na hakikisha unapata risiti yenye muhuri halisi wa MARKSON $ CO. Wasiliana nasi kwa no (+255) 0767447444 au
0714335378.
Follow us
@Markson_beauty_pr @Markson_beauty_pr @Markson_beauty_pr @Markson_beauty_pr @Markson_beauty_pr @Markson_beauty_pr @Markson_beauty_pr @Markson_beauty_pr

Credit; Udaku Special

List ya Waliotabiriwa kifo 2017: Malkia Elithabeth na Robert Mugabe Wapo

Hapo chini utaona listi ya watakaokufa mwaka 2017, Watu maarufu zaidi ya 50 wamechaguliwa na jopo la watabiri kuwa watakufa mwaka huu. Kuna sheria za kuchagua watu watakaokufa kama ifuatavyo: Mtabiliwa kifo lazima awe maarufu kiasi ya kwamba huyo mtu akifa lazima vyombo vya habari vya uingereza vitamtangaza; na vigezo vingine kadhaa akionekana mgonjwa au ukimuona unajua huyu!

Malkia Elizabeth II ameshatabiriwa mara moja akadunda huo Mwaka sasa hivi pia katabiriwa kuwa atadanja mwaka huu 2017.. mume wake Prince Philip nae Ametabiriwa 2017 pia.

Raisi wa zamani wa Marekani Jimmy Carter mwenye Miaka 93

Bwana Mugabe Miaka 93 naye Masikini wamemtabilia 2017 ndio the end - Kaandikwa Dictator alishatabiriwa mara 3 before

Pia katika list hiyo Billionea Mwenye Familia tajiri kabisa Rockefeller mwenye miaka 102 nae amatabiriwa 2017 atakufa...

Desmond Tutu naye pia Mubarak

Katika list ya Mwaka 2016 Fidel Castro alikuwepo na Nusu walio orodheshwa walikufa na wengine ndio wamesogea mwaka huu kwa kukomaa huku Wanateseka.. inasikitisha Sana


Below you will find DeathList 2017, a list of 50 celebrities selected by an expert committee for their likelihood to die during 2017. There are a few rules to DeathList summarised as follows: Candidates must be famous enough such that their death is expected to be reported by the UK media;Candidates cannot be famous solely for the fact they are likely to die in the near future and only 25 candidates can reappear from the previous year’s list. 2016 was billed as the year of the celebrity death by some and, although DeathList 2016 started strongly, it hit a very lean period from June to November and ended with a final score of 12, two below the all time record of 14. Has the big celebrity clear-out of 2016 made the task more challenging for 2017 or will the rate of celebrity deaths continue apace? Only time will tell...


Rank Prev Year Appear Name Age Description Discuss
1 10 15 Kirk Douglas 101 Actor
2 28 9 Vera Lynn 100 Singer
3 6 11 Billy Graham 99 Evangelist
4 18 3 Lord (Peter) Carrington 98 UK Politician
5 15 5 Peter Sallis 96 Last of the Summer Winer
6 16 5 Prince Philip Duke of Edinburgh 96 Casual rascist
7 41 5 Denis Norden 95 Comic / TV Presenter
8 3 Pierre Cardin 95 Fashion Designer
9 37 4 Stan Lee 95 Marvel comics
10 4 10 Olivia De Havilland 101 Actress
11 7 6 Herman Wouk 102 Author
12 1 Tony Booth 86 Actor
13 20 5 Bob Dole 94 Politican
14 1 Leah Bracknell 53 Actress
15 23 2 Jimmy Carter 93 Ex US President
16 1 Gord Downie 53 Tragically Hip Singer
17 29 3 Leslie Phillips 93 Comedy Actor
18 4 Robert Mugabe 93 Dictator
19 8 4 Javier Perez de Cuellar 97 Ex UN Secretary General
20 39 13 Jake Lamotta 96 Boxer
21 1 King Michael of Romania 96 King of Romania
22 1 Betty White 95 Golden Girl
23 1 Nobby Stiles 75 Footballer
24 2 Queen Elizabeth II 91 Queen
25 1 Jill Gascoine 80 Actress
26 1 Bob Barker 94 The Price is Right
27 26 2 Doug Ellis 93 Ex-Aston Villa Chairman
28 27 5 George Bush Senior 93 Former President of USA
29 1 Honor Blackman 92 Actress
30 1 Ian St John 79 Footballer
31 1 Hugh Hefner 91 Playboy
32 1 David Prowse 82 Darth Vader
33 6 Jerry Lewis 91 Comedian
34 1 David Rockefeller 102 Billionaire
35 31 2 Sandy Gall 90 TV news reporter
36 1 Pope Benedict XVI 90 Former Pope
37 50 3 Bruce Forsyth 89 Entertainer
38 32 9 Fats Domino 89 Singer
39 4 Hosni Mubarak 89 Former Egyptian President
40 34 3 Desmond Tutu 85 Archbishop
41 1 Emperor Akihito 84 Japanese Emperor
42 1 Gay Byrne 83 Broadcaster
43 36 2 Glen Campbell 81 Country Singer
44 1 Liz Dawn 78 Vera Duckworth
45 49 2 John Noakes 83 Blue Peter Presenter
46 3 Valerie Harper 78 Rhoda
47 21 4 Joost van der Westhuizen 46 Rugby player
48 13 2 Mary Tyler Moore 81 Actress
49 1 Errol Christie 54 Boxer
50 6 Ian Brady 79 All round Mr Nice Guy

Credit; Udaku Special

Dr. Shein Akerwa na Kauli za Maalim Seif.......Asisitiza Yeye Ndo Rais Halali wa Zanzibar

Rais wa Zanzibar, Dk Ali Mohamed Shein amewataka wananchi visiwani humo kuacha kusikiliza maneno ya propaganda kutoka kwa wapinzani kwa kuwa katu hakuna Rais mwingine atakayeongoza Zanzibar wakati yeye yupo madarakani.

Amesema kuna baadhi ya viongozi wamekuwa wakipita mitaani na kujinadi kwa wananchi kuwa huenda wakawa marais wakati wowote, huku wakimkataa yeye kuwa si Rais halali wa Zanzibar.

Shein alisema hayo jana baada ya kuzindua soko na ofisi ya Baraza la Mji la Wete, Mkoa wa Kaskazini Pemba, ikiwa ni sehemu ya sherehe za miaka 53 ya Mapinduzi ya Zanzibar.

Ingawa Dk Shein hakutaja jina, Katibu Mkuu wa CUF, Maalim Seif Sharif Hamad ndiye ambaye amekuwa akitoa kauli za namna hiyo na juzi akihutubia mkutano wa kampeni alisema, “Hata wafanye kitu gani mwaka huu msumari umewaganda na hivi karibuni Wazanzibari watafurahia mambo yao mazuri.” 

Alisema mipango imara ya kuhakikisha kuwa mambo hayo yanakaa sawa inakwenda vizuri na wakati wowote matunda hayo yataonekana.

Maalim Seif aliyekuwa Makamu wa Kwanza wa Rais kabla ya Uchaguzi Mkuu wa 2015, aliwataka wananchi na wanachama wa CUF wakae mkao wa kula.

“Sidhani kama nitashindwa ila ikiwa nitaona dalili za kushindwa nawaahidi kuwa nitawaambieni hadharani ili mchukue uamuzi ninyi wenyewe ya kudai haki yenu katika uchaguzi uliopita,” alisema Maalim.

Maalim Seif alifafanua kuwa ni jambo la kushangaza kuona kuwa Dk Shein analazimisha wananchi kumtaja ndani ya misikiti, huku akihoji kama yeye (Dk Shein) ni Rais kwa nini alazimishe kutajwa?

Lakini, jana Dk Shein aliwataka wananchi kuacha kusikiliza na kufuata kasumba hizo za wanasiasa kwa kuwa Serikali tayari imeshaundwa na yeye ni Rais halali wa Zanzibar.

Alisema anashangazwa kuona kuna watu wa aina hiyo wa kuwadanganya wananchi huku wakifikiri kuna watu wa nje wenye uwezo wa kuingilia mambo ya Zanzibar.

==

Credit;  Mpekuzi Blog

Arusha: Lema 'Aendelea Kuongoza' Akiwa Mahabusu

Mbunge wa Arusha Mjini, Godbless Lema (CHADEMA) ambaye yuko mahabusu katika Gereza la Kisongo anaendelea kutenda na kumudu kazi zake akiwa mahabusu. Taarifa za kuaminika zinaonesha kuwa Lema huombwa mawazo, maelekezo na ushauri kabla ya kufanyika jambo lolote Arusha.

Mambo yote yafanyikayo kwa kujadiliwa au kuamriwa na Baraza la Madiwani la Arusha ambalo linadhibitiwa na CHADEMA yanahusisha mawazo na melekezo ya Mbunge Lema. Taarifa zinaonesha kuwa Lema yu katika afya njema na mwenye ari kubwa ya kutenda kazi.

Lema, Mbunge wa kwanza wa upinzani jimbo la Arusha Mjini aliyeweza kutetea kiti chake cha Ubunge, anahusishwa na kuhusika na kila jambo jimboni Arusha katika kulipanga, kulijadili na kuliamua. Lema anatajwa kuwa ni mmoja wa Wabunge machachari wa upinzani nchini.

Yuko mahabusu baada ya kukosa dhamana katika mahakama huko Arusha katika kesi zake mbili za jinai. Bado Lema anapambania kupata dhamana huku akiendelea na kesi zake za jinai.

Mwafaaaaaaa!

Mzee Tupatupa wa Lumumba, Dar es Salaam

Credit; Udaku Special

Mapenzi Yazidi Kuchukua Roho za Watu Jijini Mbeya

Katika kile kinachoweza kuelezwa kuwa ni ubaya wa mapenzi, kijana mmoja mkazi wa Mbalizi Mbeya amefariki dunia kutokana na kile kinachodaiwa kuwa ni wivu wa mapenzi baada ya baba wa mpenzi wake kumvamia kijana huyo na kumshambulia.

Kamanda wa Polisi Mkoa wa Mbeya DCP Dhahiri Kidavashari amesema kuwa mnamo tarehe 07.01.2017 majira ya saa 03:00 asubuhi katika Kijiji cha Dimbwe kilichopo Kata ya Ulembo, Wilaya ya Kipolilsi Mbalizi, Mkoa wa Mbeya, mtu mmoja aliyefahamika kwa jina la VARENCY POSTA mkazi wa kijiji cha Dimbwe alifariki dunia akiwa anapatiwa matibabu katika kituo cha afya Ilembo baada ya kuchomwa kitu chenye ncha kali kichwani na mtu aliyefahamika kwa jina la MISIS EDWARD mkazi wa Dimbwe.

Inadaiwa kuwa chanzo cha mauaji hayo ni wivu wa mapenzi kutokana na binti wa mtuhumiwa kuwa na mahusiano ya kimapenzi na marehemu.

Inadaiwa kuwa mtuhumiwa kabla ya kutenda kosa hilo alimvizia njiani marehemu akiwa anatoka kuangalia mpira na kisha kumchoma kitu chenye ncha kali hali iliyosababisha kutokwa damu nyingi na kupelekea kifo chake akiwa anapatiwa matibabu.

Kidavashari amesema mtuhumiwa amekamatwa na mwili wa marehemu umefanyiwa uchunguzi na kukabidhiwa ndugu kwa taratibu za mazishi.

Katika matukio mengine, Kamanda Kidavashari ametoa taarifa nyingine za mauaji ambapo watu wawili wanaosadikiwa kuwa majambazi waliuawa na wananchi walioamua kujichukulia sheria mkononi baada ya kuvamia eneo la wachimbaji wadogo wa dhahabu wakiwa na silaha aina ya Short gun iliyotengenezwa kienyeji kwa lengo la kufanya unyang’anyi na ndipo walizidiwa nguvu na wananchi hao.

Pia amesema mtu mmoja aliyefahamika kwa jina la NURU ROMAN MWANG’OLELA Mkazi wa Ubaruku Wilaya ya Mbarali na mwenyeji wa Bujela Kisale Wilaya ya Kyela aliuawa kwa kupigwa mawe sehemu mbalimbali za mwili wake na kundi la watu waliojichukulia sheria mkononi kwa tuhuma za wizi.

==

Credit; Mpekuzi Blog 

Mashine ya MRI Muhimbili yaharibika tena

Veronica Romwald na Allen Msapi (GHI), Dar es Salaam MASHINE ya uchunguzi wa magonjwa mbalimbali ijulikanayo kama Magnetic Reasonance Imaging (MRI) iliyopo Hospitali ya Taifa ya Muhimbili, imeharibika tena baada ya kufanya kazi kwa siku mbili, tangu ilipofanyiwa matengenezo na Kampuni ya Philips.
Mashine hiyo ilifanyiwa matengenezo kutokana na shinikizo la Rais Dk. John Magufuli aliyefanya ziara ya kushtukiza hospitalini hapo na kuamuru zifanyiwe marekebisho haraka.
Katika ziara yake hiyo, Dk Magufuli alishangaa kuona wagonjwa wamekaa hospitalini hapo kwa zaidi ya miezi miwili bila kutibiwa, kutokana na mashine hiyo kuwa mbovu.
MRI ni mashine inayotumia sumaku kupiga picha badala ya mionzi. Wataalamu wa masuala ya afya wanasema ni mashine ambayo inapiga picha zenye ubora zaidi kuliko zilizopigwa na mashine ya CT Scan.
Mkuu wa Kitengo cha Mawasiliano ya Umma na Huduma kwa Wateja, Aminiel Aligaesha, jana aliwaambia waandishi wa habari kuwa, huduma za uchunguzi zinazofanywa na mashine hiyo zimesitishwa hadi hapo itakapotangazwa tena.
“Mapema wiki iliyopita tuliwatangazia wananchi kwamba huduma za MRI zimeanza kutolewa baada ya mashine hiyo kutengenezwa. Katika taarifa hiyo tuliwaeleza kuwa matengenezo ya kifaa kingine cha CT- Scan yalikuwa yakiendelea.
“Hata hivyo baada ya mashine ya MRI kufanya kazi Novemba 11 na 12, mwaka huu ilionekana kuna hitilafu ya kiufundi ambayo inahitaji matengenezo zaidi hali iliyotulazimu kusimamisha kufanya kazi kuanzia Novemba 13 mchana,” alisema.
Alisema uongozi wa hospitali hiyo umeshawasiliana na kampuni ya Philips ambayo ina mkataba wa kuzifanyia matengenezo mashine hizo ili kurekebisha hitilafu zilizojitokeza.

Created 

Mbunge ahoji kwanini polisi hawampigii saluti

Mbunge wa Kilombero, Peter Lijualikali

MBUNGE wa Kilombero, Peter Lijualikali kupitia Chama cha Demokrasia na Maendeleo (CHADEMA) amemueleza Waziri wa Mambo ya Ndani ya Nchi, Mwigulu Nchemba , kuwa hayupo tayari kutoa fedha za Mfuko wa Jimbo kuchangia kazi za maendeleo ya Polisi jimboni humo.
Amesema hawezi kufanya hivyo, kwa sababu Polisi wa jimbo lake hawamtii na wanashindwa kumpigia saluti.

Lijualikali aliweka bayana msimamo huo wakati akizungumzia changamoto mbalimbali kwa waziri huyo, kabla ya kupanda jukwaani kuwahutubia mamia ya wananchi waliojitokeza mkutano wa hadhara uliofanyika mjini Ifakara.

Mbunge huyo alisema. “ Huu ni ugeni wa kwanza wa hadhi ya kitaifa kuja kwenye jimbo hili kuzungumza na wananchi kwenye mkutano wa hadhara… sasa tufanye kazi ya kujenga taifa letu badala ya kuendeleza siasa”.
Mbunge huyo alimuomba waziri huyo wa mambo ya ndani, atoe majawabu mbele ya mkutano huo ikiwa ni pamoja na suala la bodaboda kufukuzana na polisi na dawa za kulevya. Pia, Lijualikali alihoji kwa nini polisi wa Ifakara katika Jimbo la Kilombero, hawampigii saluti wakati yenye ni mbunge .

“Hii ni hoja ya bungeni… mbunge kupigiwa saluti, lakini Polisi wa Ifakara hawanipigii saluti,” alisema Lijualikali, akimuarifu waziri huyo mwenye dhamana na jeshi la polisi.
Hivyo, alisema hawezi kuhamasisha uchagiaji wa ujenzi wa vituo vya polisi au kutoa fedha za Mfuko wa Jimbo kwenda kusaidia juhudi za ujenzi wa vituo hivyo.

Mbunge huyo alimuomba waziri kuwa kituo cha sasa cha polisi, kihamishwe kutokana kilipo ni eneo linalokumbwa na mafuriko nyakati za masika hivyo kutofikika kirahisi. Kwa upande wake, Mwigulu alisema hoja hiyo ni ya kiutawala na kiutendaji zaidi na pia ni ya kuangalia historia ya wabunge waliomtangulia.

Chanzo habarileo.

Waziri Mkuu Ataka TANCOAL Itimize Masharti Ya Mkataba Mgodi Wa Ngaka

WAZIRI MKUU Kassim Majaliwa ameitaka kampuni ya TANCOAL Energy inayochimba makaa ya mawe kwenye mgodi wa Ngaka itimize masharti ya mkataba iliouingia na Serikali mwaka 2008.

Kampuni ya TANCOAL iliundwa Aprili 3, 2008 na kampuni tanzu ya Atomic Resources Limited ambayo wakati huo ilikuwa ikijulikana kama Pacific Corporation East Africa (PCEA) na kwa sasa inaitwa Intra Energy (T) Limited ambayo hisa zake ni asilimia 70 na Shirika la Taifa la Maendeleo (NDC) lenye asilimia 30 ya hisa.

Ametoa kauli hiyo Ijumaa, Januari 6, 2017 mara baada ya kutembelea mgodi huo na kukagua shughuli za uzalishaji. Mgodi wa Ngaka uko wilaya ya Mbinga, mkoani Ruvuma na unamilikiwa na kampuni ya TANCOAL kwa ubia baina ya Shirika la Taifa la Maendeleo (NDC) na kampuni ya Intra Energy Corporation ya Australia.

Kwa mujibu wa mkataba huo, ilikubaliwa kwamba mbali ya kuzalisha makaa ya mawe, kampuni hiyo ilipaswa kuzalisha umeme wa megawati 400 kutokana na makaa hayo. TANCOAL ina migodi miwili; Mbalawala na Mbuyura ambao umetengwa mahsusi kwa ajili ya kuzalisha umeme.

“Kwenye mkataba tulikubaliana kuwa mtazalisha umeme lakini hadi hadi leo hamjaanza mnadai kuwa TANESCO wanawachelewesha. Nitafuatilia nione kama ni wao au la ili tujue ukweli,” alisema.

Kwa mujibu wa mikataba huo, TANCOAL ilipaswa kugharamia dola za Marekani milioni 14.49 kwa ajili ya ujenzi wa barabara na madaraja ili kuwezesha malori makubwa na madogo yaweze kufika mgodini na kusomba makaa hayo.

“Mlisema mngetengeneza barabara lakini hadi sasa bado hamjafanya hivyo na ndiyo maana malori yanaishia kule. Yangefika hapa moja kwa moja, mngeweza kubaini kwa urahisi mahitaji ya makaa ya mawe ni kiasi gani,” alisema Waziri Mkuu.

Hivi sasa, malori ya kutoka mgodini yanashusha makaa yaliyochimbwa kwenye eneo lililokodishwa na TANCOAL la Amani Makolo ambalo liko umbali wa km.55 kutoka mgodini na malori makubwa yanapakia makaa hayo kutoka kwenye eneo hilo jambo ambalo linazidisha gharama za usafirishaji.

Kwa mujibu wa mkataba huo, TANCOAL ilipaswa kuwekeza mtaji wa Dola za Marekani milioni 82 lakini hadi sasa imewekeza kiasi cha dola milioni 14 ambazo ni sawa na asilimia 12 tu ya ahadi iliyotolewa.

“Makubaliano yalikuwa ninyi mtawekeza Dola za Marekani milioni 81.69 lakini hadi sasa mmetumia dola za Marekani milioni 14, hamjafikia hata nusu,” alisema Waziri Mkuu.

Katika hatua nyingine, Waziri Mkuu amemtaka Mwenyekiti wa Bodi ya NDC, Dk. Samuel Nyantahe afuatilie kwa makini mambo yanayoendelea ndani ya shirika hilo. “Wewe unaendesha vikao lakini haya ndiyo mambo yanayoendelea kwenye taasisi unayoiongoza,” alisema.

Alimtaka afuatilie pia uwasilishaji wa mkataba huo kwa Mwanasheria Mkuu wa Serikali ili vipengele vinavyoibana NDC kiuendeshaji na kupata gawio viweze kuangaliwa upya.

Wakati huo huo, Waziri Mkuu amewapongeza viongozi wa kampuni ya TANCOAL kwa kuwashirikisha wajasiriamali wadogo kupata teknolojia ambayo itasaidia kupunguza tatizo la ukataji miti kwa matumizi ya kuni na mkaa.

Alisema mgodi huo umeanza kuwanufaisha wenyeji kwani ameona kazi nzuri inayofanywa na kikundi cha akinamama cha Mbalawala (mbalawala Women Group) ambacho kinatumia vumbi la makaa hayo (ambayo ni mabaki) kutengeneza mkaa wa kupikia majumbani (briquettes).

“Hii teknolojia ikisambazwa kwenye shule, mahospitali na kwenye magereza itasaidia kupunguza matumizi makubwa ya kuni yanayofanywa na taasisi hizi,” alisema.

Meneja wa kikundi hicho, Bibi Leah Kayombo alisema wanatumia chengachenga na vumbi la makaa hayo kwa kuchanganya na kemikali nyingine ili kupunguza joto halisi la makaa hayo, jambo linalowezesha mkaa huo kutumika majumbani bila kuharibu masufuria.

IMETOLEWA NA

OFISI YA WAZIRI MKUU

==

Credit; Mpekuzi Blog 

Mwanamke wa Kitanzania Akamatwa na Mzigo wa Madawa ya Kulevya Tumboni

INDONESIA: Mwanamke Mtanzania akamatwa akiwa na Wanigeria wawili wakijaribu kuingiza mihadarati. Mnigeria mmoja ameuawa akijaribu kutoroka. Mtanzania huyo alikamatwa siku ya jumatano katika Jiji la Jakarta.

Baada ya upekuzi Mtanzania huyo akutwa na gramu 138 za Crystal Methamphetamine, kete nyingine 66 za Crystal Methamphetamine alikuwa amezimeza na gramu 3 za bangi alizoficha kwenye nguo yake ya ndani.

Wakati huo huo, polisi nchini Namibia wanadai kukamata watu 135 kati ya Novemba 1 na Disemba 2016 kwa tuhuma za dawa za kulevya aina ya Mandrax, Cocaine, Crack Cocaine, Heroin na Bangi. Kati ya waliokamatwa na dawa hizo wapo Watanzania watano.

Credit; Udaku Special

Dk Malewa alifumua jeshi la magereza

KAIMU Kamishna Jenerali wa Jeshi la Magereza, Dk Juma Malewa

KAIMU Kamishna Jenerali wa Jeshi la Magereza, Dk Juma Malewa amefanya mabadiliko ya uongozi kwa baadhi ya wakuu wa magereza wa mikoa na vituo mbalimbali hapa nchini.
Kwa mujibu wa taarifa iliyotolewa jana na Ofisa Habari wa jeshi hilo, Lucas Mboje, mabadiliko hayo yalianza jana na ni ya kawaida na yanalenga kuboresha utendaji kazi na ufanisi wa jeshi la magereza.

Katika mabadiliko hayo, Mkuu wa Magereza Mkoa wa Morogoro, Kamishna Msaidizi Mwandamizi wa Magereza, Katos Rugainunura amehamishiwa Makao Makuu ya Magereza sehemu ya Utawala.
Nafasi yake inakaimiwa na Kamishna Msaidizi wa Magereza, Mzee Nyamka aliyekuwa Mkuu wa Utawala Magereza Mkoani Morogoro.
Aidha Kamishna Msaidizi Mwandamizi wa Magereza, Antonino Kilumbi aliyekuwa Mkuu wa Magereza Mkoa wa Dodoma amehamishwa Makao Makuu ya Magereza kuwa Mkuu wa Kikosi cha Ujenzi. Nafasi yake inachukuliwa na Kamishna Msaidizi Mwandamizi wa Magereza, Julius Sang’udi aliyekuwa Mkuu wa Magereza Mkoa wa Mbeya.

Aliyekuwa Mkuu wa Magereza Mkoa wa Kilimanjaro, Kamishna Msaidizi wa Magereza Anderson Kamtiaro anakwenda kuwa Ofisa Mnadhimu Magereza Mkoani Arusha na nafasi yake inachukuliwa na Kamishna Msaidizi wa Magereza, Hassan Mkwiche ambaye alikuwa ni Mkuu wa Gereza Kuu la Karanga lililopo Moshi.
Aliyekuwa Mkuu wa Gereza la Same, Kamishna Msaidizi wa Magereza Evarist Katego anakwenda kuwa Mkuu wa Gereza Kuu la Karanga na aliyekuwa Boharia Mkuu wa Jeshi la Magereza, Kamishna Msaidizi Mwandamizi wa Magereza, George Kiria amehamishiwa Makao Makuu Kitengo cha Uhasibu .

Katika mabadiliko hayo, aliyekuwa Mkuu wa Magereza Mkoa wa Mwanza, Kamishna Msaidizi Mwandamizi wa Magereza, Uwesu Ngarama amehamishiwa Makao Makuu kuwa Boharia Mkuu wa Jeshi. Nafasi yake inachukuliwa na aliyekuwa Ofisa Mipango wa Jeshi, Athuman Kitiku.
Aidha, aliyekuwa Mkuu wa Magereza Mkoani Mtwara, Kamishna Msaidizi wa Magereza Musa Kaswaka anakwenda Makao Makuu Kitengo cha Ukaguzi.

Nafasi yake inachukuliwa na Kamishna Msaidizi wa Magereza, Ismail Mlawa aliyekuwa Mkuu wa Kiwanda cha Samani Gereza Kuu Ukonga.
Taarifa hiyo ilisema aliyekuwa Ofisa Mdhibiti wa Fedha wa Jeshi, Kamishna Msaidizi Mwandamizi wa Magereza, Gideon Nkana anakwenda kuwa Mkuu wa Chuo cha Taaluma ya Urekebishaji Ukonga, Dar es Salaam na nafasi yake kuchukuliwa na Kamishna Msaidizi wa Magereza, Chacha Jakson.
Wengine ni aliyekuwa Ofisa Mnadhimu wa Magereza Mkoa wa Mbeya, Kijida Mwakingi anakaimu nafasi ya Mkuu wa Magereza Mkoa wa Mbeya, Kamishna Msaidizi wa Magereza Abdalah Misanga anatoka Gereza la Mgumu kwenda kuwa Mkuu wa Gereza la Msalato mkoani Dodoma.

Kamishna Msaidizi wa Magereza John Itambu anatoka Gereza la Kilosa kwenda kuwa Mkuu wa Kiwanda cha Samani cha Gereza Kuu la Ukonga. Kamishna Msaidizi wa Magereza Erasmus Kundy anatoka Chuo cha Taaluma ya Urekebishaji Ukonga kwenda Makao Makuu Kitengo cha Habari, wakati Kamishna Msaidizi wa Magereza Julius Ntambala aliyekuwa Mkuu wa Kitengo cha Ujenzi Makao Makuu, anabakia Makao Makuu Kitengo cha Ujenzi kuwa Msaidizi wa Mkuu wa Kitengo.
Kamishna Msaidizi wa Magereza Sylivester Mrema anatoka Gereza la Idete kwenda Gereza la Ubena kuwa Mkuu wa Gereza. Aliyekuwa Mkuu wa Gereza la Ubena Kamishna Msaidizi wa Magereza Shaba Zephania anakwenda Magereza Mkoa wa Pwani kuwa Ofisa Mnadhimu.

Kamishna Msaidizi wa Magereza Solomon Urio anatoka Makao Makuu kwenda Magereza Mkoa wa Dar es Salaam kuwa Ofisa Mnadhimu.
Kamishna Jenerali Malewa aliteuliwa mwezi Desemba mwaka jana, baada ya Rais John Magufuli kuridhia ombi la kusitisha mkataba na kustaafu kwa Mkuu wa Jeshi la Magereza nchini, Kamishna Jenerali John Minja kuanzia Desemba 2, mwaka jana.

Rais Magufuli alitangaza pia kuteua Kamishna wa Magereza, Dk Juma Malewa kuwa Kaimu Mkuu wa Jeshi la Magereza hadi hapo uteuzi wa Kamishna Jenerali wa Magereza, utakapofanyika.
Kustaafu kwa Minja kulikuja siku chache, baada ya Rais Magufuli kufanya ziara katika Gereza la Ukonga, Dar es Salaam Novemba 29, mwaka jana, ambako alitumia nafasi hiyo kupiga marufuku uuzwaji wa sare za majeshi nchini na watu binafsi.

Alitaka wote wanaofanya biashara hiyo, kukabidhi mara moja kwa majeshi husika.
Rais Magufuli alipiga marufuku hiyo kufuatia maelezo kutoka kwa baadhi ya askari wa Jeshi la Magereza, kuwa wamekuwa wakinunua sare za jeshi hilo kutoka kwa watu binafsi, kinyume cha taratibu za majeshi nchini.
Rais alitaka pia vyombo vya ulinzi na usalama, kuwachukulia hatua mara moja wale wote watakaobainika kuuza sare za majeshi nchini. Mkuu wa Magereza Mkoa wa Mbeya.

Chanzo HabariLeo.