M-Pesa sasa kimataifa

KAMPUNI ya Money- Gram inayotoa huduma za kutuma pesa duniani na kampuni ya simu ya Vodacom Tanzania zimetangaza kwamba sasa wateja wa Vodacom wanaweza kupokea pesa moja kwa moja kwenye akaunti zao za M-Pesa kutoka nje.
Kwa sasa, kuna watumiaji wa huduma ya M-Pesa zaidi ya milioni saba nchini Tanzania ambao hufanya miamala ya zaidi ya trilioni mbili kila mwezi. Ushirikiano huo mpya utawawezesha Watanzania wanaoishi nje ya nchi kutuma fedha moja kwa moja kwa ndugu na jamaa zao hapa nchini ambao ni wateja wa M-Pesa kwa njia rahisi, inayofaa, salama na haraka zaidi.
Hatua hiyo itafungua uwezekano wa kukuza utumaji pesa kuja Tanzania, ambao kwa sasa ni umefikia dola za Marekani bilioni 1.2. Uzinduzi huo ulifanyika wakati wa mkutano na waandishi wa habari Jijini Dar es Salaam, ambapo pia ulihudhuriwa na Herve Chomel, Makamu wa Rais wa MoneyGram Upande wa Mauzo Kanda ya Afrika na Jacques Voogt, Ofisa Mkuu wa wa Idara ya biashara ya huduma za M-Pesa wa Vodacom Tanzania.
“Kampuni ya MoneyGram inafurahi sana kufanyakazi na Vodacom katika kutoa huduma ya haraka, uhakika na salama kwa mamilioni ya wateja watakaotuma na kupokea pesa,”

Imeandikwa na Mwandishi Wetu Imechapishwa: 26 Agosti 2015